الإسم : م.

العمر : 20

الدولة : الاسكندرية

الموضوع :
السلام عليكم انا طالب بكلية .  كنت محترم جدا ومتفوق جدا وبفكر حلو ودماغي جميله جيت في 3 ثانوي السنة المشؤمه بظت وكنت بذعق مع والدي عشان المذاكرة وتعبت مع ان في ناس كثيرون بيسمعوا وعادي بس انا مش عارف انا مالي بظت انا من صغري انطوائي وفي يوم وانا بذاكر احياء كنت بذاكر بدماغ وفرحان وحاسس بمتعة الحياه مرة جاتلي فكرة ان عمتي بتحسدني واستمرت الفكرة عاوز ادفعاها مش عارف ومحاولتش اعالج نفسي لغايه اصبحت عندي عاده كل ما اذاكر تجيلي فكره واقوم من علي الكتاب واروح النت اسمع افلام وكانت بجد متعتي وراحتي ولكن عندما اذاكر نار في دماغي مش قادر افكار انا حيايت مدمرة وبقيت عصبي مع اني كنت محترم وملتزم وهاديء جدا وترددت افكار كتير، وسبب اساسي برده انا كنت جايب في تانية علمي 97ونص % وانا كنت محترم وطيب مليش في اي شيء الا المذاكرة... اصحابي قالولي انت خبيث كل محد يقابلني يقولي انا خبيث عليه عشان انا كنت بذاكر وبلعب كل يوم كرة قدم فمع الوساوس والذعيق الي البيت تعبت وبقيت تعبان دخلت الكلية شلت اول سنة ومحاولتش اعالج نفسي الا مع بعض اصحابي ولكن برده ولما حسيت اني حاطلع من الكلية حاولت اذاكر والله بتعذب والله بتعذب لا اذاكر فدماغ يتقول انت في تمريض بتذاكر ليه انتا غبي وانا عارف اني ذكي تقول محدش عنده مخ ولا عقل الغي العقل لغايع الواحد لما المعيده تسأله اتهته في الكلام ويظرهر اني مجنون بالله عليك يادكتور ادعيلي وارسلي رساله قلي اعمل ايه

الـــــــــــــــــــــــرد

الابن الفاضل

أرى بين السطور أنك تعاني من فرط في الحركة، فلا تقدر على المكوث في مكان واحد مدة طويلة.. هذا يعني أن بك طاقة جسدية ولكنها غير مستغلة .. العب رياضة أو اذهب إلى الجيم كى تفرغ هذه الطاقة، ضع هدفا واكتبه واقرأه كل يوم قبل النوم وتفاعل معه.. اشعر أن هذا الهدف هو غايتك وهو ما يجعل للحياه معنى بالنسبة لك... والتزم بالصلاة في المسجد وورد يومي من القرآن وأذكار النبى صلى الله عليه وسلم.. ألا بذكر الله تطمئن القلوب ويمكنك الرجوع إلى البرنامج الروحي ففيه الخير الكثير..

وفقك الله