م من مصر
الموضوع
:
السلام عليكم انا شاب عمرى 23 سنة حديث التخرج من الهندسة الميكانيكيا مشكلتى بدأت تقريبا من يوم ما اتولدت كنت دائم البكاء والخوف ...وكنت بخاف من كل حاجة وبخاف من الامتحانات بشكل غير طبيعى وكان عندى وسواس قهرى فى الوضوء وسب الذات الالهية..لحد ما وصلت ل3 ابتدائى وجاتلى نوبة اكتئاب شديدة رفضت فيها الطعام ومبقتش اروح المدرسة وكنت دائم البكاء والخوف ...ووالدى ذهب بى الى احد الاطباء واخدت علاج وبقيت كويس الى حد ما لحد اولى ثانوى ...ووالدى توفى محستش بتأثر كبير لما توفى
..معرفش ايه السبب مع انى كنت بحبه جدا وهوه كان اب طيب وعمره ما كان قاسى عليا ...المهم رجعتلى تانى الحالة فى 2 ثانوى خوف شديد وقلق واكتئاب ورفضت الطعام وذكائى قل اوى ومبقتش قادر افكر ومكنتش قادر اذاكر وكل ما امسك كتاب احس بخوف وقلق وافضل ابكى وكنت هعيد السنة وكان فاضل على الامتحان شهرين وثانوية عامة طبعا ومش مذاكر نص المناهج ...المره ديه مرحتش لدكاترة
...روحت لربنا ..طلعت صليت فوق سطح بيتنا الدور السادس وصليت ركعتين وفضلت ابكى اكتر من ساعة ومكنتش حتى قادر اقرأ الفاتحة ... بعدها حسيت انى بقيت كويس وكنت كل اللى بذاكره بطريقة عجيبة بلاقيه فى الامتحان بس مكنتش شوفيت من المرض الخوف والقلق بس حسيت ان ربنا كان بيعنى عليهم ...وعدت الثانوى ودخلت هندسة اسكندرية وهنا بقة بدأت تقريبا مشاكلى يعنى كل اللى فات ده ولا حاجة ...مكنتش بفهم حاجة وذاكرتى ضعيفة ومش قادر اتابع مع الدكتور ولا مع المعيد والاكتئاب زاد حسيت انى اقل من الناس كلها وكنت بروح الكليه بالعافية مكنتش بفهم خالص حسيت انى معنديش مخ فعلا ولا قادر اربط المواضيع ببعضها ...وكنت كل ما اخلص سنة اقضى الصيف فى البيت واى شغل يجيلى ارفضه واخاف منه اهلى اخر ما زهقوا منى جابولى صاحب شركة ادوية تحت البيت ونادى عليا وقالى انزل عايزك معايا تشتغل خوفت جامد وقلقت وسبت البيت ومشيت ومردتش عليه حسيت ان حياتى مبقاش لها لازمة ولا بفهم ولا بركز وبخاف من الشغل ومرة اشتغلت اسبوع فى كافيتريا .. كنت عامل زى اللى ماتلوا ميت مكشر وخايف ومبكلش وخسيت اكتر من 7 كيلو فى الاسبوع ده بعدها مشيت وسبت الشغل وفضلت قاعد فى البيت الصيف بتاع ال5سنين مبعملش حاجة ... ولا كنت بتدرب حتى وايام الدراسة كنت بروح الكليه بالعافية ..ولا كنت بفهم حاجة
...والدنيا اسودت فى وشى ومبقتش عارف اروح لمين شايف الناس بتضحك الا انا
...
دعيت ربنا كتير بس فضلت زى مانا ...ملقتش تنفيس ليا الا فى الشهوات وكلام البنات على الشات طول النهار والليل ...ادمنت العادة السرية 5سنين وادينى اليوم اتخرجت .... حياتى العملية صفر ...اجى اقدم على وظيفة موش قادر ومش فاهم ومش مركز ...عاوز اشتغل عاوز اتجوز عشان ابطل عادة سرية
..
موش قادر اشتغل ومفيش فلوس ...عاوز اتوب ارجع لربنا ...برده موش قادر
...لانى موش هينفع ارجع لربنا وانا مدمن عادة سرية ومش هقدر ابطلها من غير ما اتجوز ومش هقدر اتجوز الا لما اشتغل وانا موش قادر اشتغل ...رحت للدكتور محمد شريف سالم قالى انت عندك اكتئاب وكتبلى على علاج لوسترال
...وادينى باخده بقالى شهرين وبقيت اسؤ من الاول ... معرفش هل انا موش قابل للعلاج ...بسبب العادة السرية لان اللى بيعمله العلاج هيا بتضيعه لما لها من اضرار نفسية...طب اعمل ايه ابطلها ازاى ...اتجوز ازاى ...اغض بصرى ازاى والبنات عرايا فى كل حتة ...انا ساعات ببص للسما واقوله انا خلاص مبقتش عارف اروح لمين ...انا موش لاقى حد اكلمه ...ولما ببص لاصحابى معاهم فلوس وخاطبين وشغالين ..واللى منهم غلبان ومعهوش فلوس شغال وبيكافح ...بحس انى ربنا ظلمنى ...انا عارف انه التفكير ده حرام ...بس موش قادر ...انا بحس انى مليش لازمة فى الدنيا ديه ...انتحر يعنى ...هروح النار ...هفضل كدة فى ذنوبى برده هروح النار ...مع العلم ان محافظ على الصلاة من 12 سنة وغيرى مبيركعهاش وعايش فى احسن حال .....لو حد عنده حل يقولى بالله عليكم
الــــــــــــــــــــــــــــرد
يا سيدي قلق - اكتئاب - وسواس - كسل - خمول - عادة سرية عاوز كل حاجة لكن مش قادر، عاوز تبطل لكن لما تتزوج
ومش عارف تتزوج، فلن تبطل وتبض لصحابك الشقيانين التعبانين حتى دول حاسدهم.. وفي الآخر تقول ربنا ظلمني
راجل محترم طويل عريض ومهندس عارف طريق رينا يس مش عاوز يمشي فيه
ربنا لم يرسل لأحد ابدا عقد عمل من السما أو زوجة من شوية مطر أو سيارة في غيمة
ولكن قال (فأمشوا في مناكبها و كلوا من رزقه و إليه النشور) خد علاجك وارجع لدكتورك يعدله أو يغيره
إن الله لا يغير ما بقوم حتى يغيروا ما بأنفسهم
د/ محمد شريف
|
|
||
|
